Nagsaka naman ang presyo sang produktong petrolyo nga ginagamit sa mga international flights sa pungsod sang Nepal suno sa Nepal Oil Corporation (NOC).
Ini matapos nga nagtimbuok na sa 84% tubtob 117.4% ang saka sang aviation fuels para sa mga international flights halin sa mga siudad sang nasambit nga pungsod kaangay sang Kathmandu, Pokhara, kag Bhairahawa.
Suno sa NOC, kinahanglan nga ipatuman ang fuel price hike agud nga mabaydan sa insakto nga tion ang Indian Oil Corporation nga amo ang ila ginakuhaan sang gatong.
Nahibaluan nga limitado naman ang pagbakal sang mga residente sang lugar sa cooking gas bangud limitado naman ang ila suplay sang gatong sa bilog nga pungsod.
){kind=link}