Nag-develop na sa super typhoon ang bagyo sa guwa sang Philippine Area of Responsibility (PAR).
Sa latest update sang Philippine Atmospheric, Geophysical and Astronomical Services Administration (PAGASA), na-monitor sa sulod sang monitoring domain sang ahensya ang bagyo nga may international name nga Sinlaku.
Ulihi ini nga nakit-an sa kalayuon nga 2,590 km nasidlangan sang Eastern Visayas.
Dala sini ang kabaskugon sang hangin nga 205 km/h kag pagmadlos nga tubtub sa 250 km/h.
Nagahulag ang bagyo pa-nakatundan naaminhan nakatundan sa kadasigon nga 15 km/h.
Nagahulag ini palayo sa Pilipinas kag manubo ang tyansa nga magsulod sa PAR suno sa state weather bureau.
Una na nga ginpahayag nga kun makasulod sa PAR, pagatawgon ini nga Bagyo Caloy.#
