Ginpadala ni US President Donald Trump sa Pakistan sanday Steve Witkoff nga amo ang United States Special Envoy to the Middle East kag Jared Kushner nga amo naman ang United States Special Envoy for Peace.
Ini nagahatag sang paglaom para sa isa pa ka hugnat sang peace talk agud tapuson na ang gyera nga nagakatabo sa US-Israel batok sa Iran ilabi na nga didto man sa Pakistan ang foreign minister sang Iran nga si Abbas Araghchi.
Suno kay White House press secretary Karoline Leavitt, ginpahayag sini nga magapakighinuna-anon ang mga sugo sang US kay Abbas Aragchi, apang indi pa maathag kun nagapasugot ang delegsyon sang Iran.
Ginpahayag man ni Trump nga nagalaom ini sang peace talk kag suno sa iya ang Iran ang nagahimo sang paagi agud mapauntat na ang nuclear program.
