Sa labing-una nga tion matapos ang drowning incident nga ginkamatay sang duha ka student-athletes sang Ateneo de Manila University, nagpaguwa na sang iya statement si men’s basketball team head coach Tab Baldwin.
Sa 8-minute kag 40-second video statement nga gin-post subong nga gab-i, Hunyo 12, nagpangayo sang pasaylo si Baldwin kasunod sang natabo kanday Rene Baterbonia kag Divine Adili sa ila team-building activity sa Aurora.
“To the depth of my being, I’m sorry. On that fateful day when we sent the players out for a routine training run in what we thought was shallow water, up to the moment when we realized that whatever had happened, they were in dangerous water, and we did everything that we could as coaches, as people responsible for that situation,” pahayag sini.
Sa iya pagbalik sa trahedya, ginpahayag sang coach nga nabatyagan sini nga napaslawan siya bilang lider, bilang coach, kag bilang abyan.
“At that moment, I felt I had failed. I failed as a leader. I felt I had failed as a coach. I certainly felt like I had failed as a friend to Divine and Renee,” dugang sini.
“I’m so deeply sorry to not just the families but everybody that feels let down… I pray that we all find some path way forward,” pahayag pa ni Baldwin.
Nahibaluan nga antes sini nga video statement, naghingyo anay ang Ateneo kay Baldwin nga indi magpaguwa sang public statement samtang padayon pa ang imbestigasyon sa trahedya.
Masobra naman sa 163 ka mga faculty members sang unibersidad ang nagpanawagan sa school administration nga mangin transparent kag accountable kasunod sang insidente. Ginkwestyon sang faculty members kun ginsunod bala ang university regulations kag “due process” sa aktibidad kag kun may safety measures bala kaangot sa paglangoy sa dagat. Luyag man sang educators nga maklaruhan kun may suporta sa pamilya sang mga biktima amo man sa team members.#
