Tatlo na magkasunod nga mabaskog nga linog ang nagtay-og sa Anini-y, Antique subong nga gab-i, Hunyo 14.
Suno sa Philippine Institute of Volcanology and Seismology (PHIVOLCS), ang pinakaulihi ang na-rekord 11:34 p.m. nga naglab-ot sa magnitude 4.7.
Nabatyagan man ini diri sa Iloilo City kag mangin sa mga banwa sa probinsya sang Iloilo kag Guimaras.
Yari ang reported intensities:
Intensity III – City of Sipalay, NEGROS OCCIDENTAL
Intensity II – City of Bago, NEGROS OCCIDENTAL; Anini-y and Culasi, ANTIQUE; Buenavista and Jordan, GUIMARAS; CITY OF ILOILO
Intensity I – Sebaste and Valderrama, ANTIQUE; Nueva Valencia, GUIMARAS; Tapaz, CAPIZ; City of Passi, ILOILO
Antes sini, may magnitude 4.3 man nga linog sa Anini-y sang 11:22 p.m. kun sa diin Intensity III sa City of Sipalay kag Intensity I sa City of Bago sa Negros Occidental.
9:06 p.m. kaina suno sa Phivolcs, may yara man sang magnitude 4.2 nga linog sa amo gihapon nga lugar sa Antique. Intensity II ang na-report sa City Of Sipalay.
Lunsay tectonic in origin ang linog, kag base sa tatlo ka mga bulletin sang DOST-PHIVOLCS, wala sang gina-expect nga damage kag aftershocks.
“This will be the only bulletin issued unless additional information becomes available. Always refer to the latest earthquake information posted at the PHIVOLCS official website,” suno sa DOST.#
