Nangin manughugas sang pinggan sa isa ka restaurant sa Chengdu City, Sichuan Province, China ang isa milyonarya.
Ang iya rason amo nga natak-an siya sa iya kabuhi.
Nag-viral sa Chinese social media ang video sang amo nga babaye nga nagapanaog sa iya Bentley, suksok ang apron kag rubber boots, bago magsulod sa trabaho.
Suno sa Chinese media kag mga nakakakilala sa iya, tuman ini ka manggaranon apang luyag lang niya nga may ginakasakuan siya sa adlaw-adlaw.
Mismo ang iya anak ang nagadul-ong kag nagasugat sa iya sa ubra.
Madamo naman ang nagdayaw sa iya bangud sa iya ginhimo.
