Robin Padilla: ‘Magugutom ang mga troll kapag tumigil ako’

Gintawag ni Senator Robin Padilla nga mga “troll” ang mga tawo nga nagahaboy sang kritisismo sa iya kasunod sang iya mga pamangkot sa impeachment trial ni Vice President Sara Duterte.

Naka-sentro ini sa iya interjection sang Myerkules kun sa diin ginkwestyon sini si Private Prosecutor Atty. Mae Divinagracia kun nakahibalo ini nga naggamit man anay ang national heroes sang mga alyas.

Gin-gamit niya ini nga pagpaanggid sa konteksto sang mga alyas nga nakit-an sa acknowledgment receipts sang confidential funds ni Duterte.

Sang ginpamangkot naman sa iya reaksyon sa mga naga-criticize sa iya linya sang mga pamangkot, nagpanindugan si Padilla nga may katungdanan lamang siya nga magsabat sa matuod nga mga tawo nga nagboto sa iya, kag indi sa mga “paid troll farms.”

“Ako ay ibinoto ng mga totoong tao. I’m only answerable to them, not to the paid troll farms,” suno kay Padilla.

Dugang sini: “Dios mio, magugutom ang mga troll kapag tumigil ako.”

Matandaan nga sang Myerkules, nakalab-ot pa si Padilla kay former Senator Benigno “Ninoy” Aquino Jr. nga naggamit sang pangalan nga “Marcial Bonifacio” sang nagbalik siya sa Pilipinas halin sa United States sang 1983.

Ang nagsunod sa pag-interject amo si Senator Bam Aquino, hinablos ni Ninoy, nga amo ang nagklaro nga may alyas gid man ang iya tiyo — apang wala ini sang confidential funds.

“Tama po, si Ninoy Aquino po, ang kanyang alias ay Marcial Bonifacio, para makauwi siya sa Pilipinas nung nasa Boston siya. Pero wala naman ho siyang confidential funds, wala ho siya sa mga ARs na confidential funds,” suno kay Senator-Judge Aquino.

Una naman nga ginsiling ni Prosecution spokesperson kag Lanao del Sur Rep. Zia Alonto Adiong nga insulto sa national heroes ang ginhimo ni Padilla nga pagpaanggid sang ila alyas sa mga alyas nga nakabutang sa records sang Office of the Vice President.#