Ginatos ka mga atleta sang Asian Games sa Nagoya, Japan ang temporaryo nga nag-evacuate bangud sa mabaskog nga ulan sa nasambit nga lugar.
Naglab-ot sa 104 millimeters sang tubig-ulan sa sulod sang isa ka oras ang na-record sa pila ka bahin sang lugar sa Nagoya.
Ini ang rason kun ngaa nagpagwa sang evacuatin order ang mga local authority.
Ginbaha man ang pila ka mga kalsada kag estasyon sang subway, samtang naapektuhan man ang venue sang kompetesyon bangud sa pagsulod sang tubig-baha.
Suno sa opisyal sang Nagoya, indi na tuman ka lala ang halit nga gindala sang baha kag magapadayon ang kompetisyon sa nakatalana nga schedule.
Nahibaluan nga maga-umpisa ang pila ka events sa Asian Games subong nga adlaw sang Huwebes, samtang ang official opening ceremony ang patigayunon sa September 19.
