Nagpangabay si Palace Press Officer Claire Castro sa mga Pilipino nga buligan na lang sa pagpangamuyo si Atty. Manases “Mans” Carpio.
Ini matapos nag-react si Carpio nga daw kaangay nga nahimo siya nga ‘collateral damage’ sa impeachment trial sang iya asawa nga si Vice President Sara Duterte.
Sa statement ni Carpio, ginsiling sini nga wala “sila” sang nakit-an nga sala sa vice president, gani nga pati siya, ginadalahig.
“Tulungan natin magdasal si Mans Carpio. ‘Yan ang gusto natin, lahat ng Pilipino magdasal para lumabas ang katotohanan kasi maraming nabubulag ngayon,” sabat naman sang Palace Press Officer.
“‘Yung mga ebidensiya na ipinapakita ngayon, dapat na makita ng publiko para ang publiko mismo ang magsabi kung ano ang katotohanan, kung ano ‘yung hindi,” suno pa kay Castro.
Ang reaksyon ni Carpio ang kasunod sang mga presentasyon sa impeachment court kaangot sa alleged unexplained wealth sang vice president kun sa diin ginpangmensyonar man pati ang manggad kag assets sang iya bana.
Lakip sa pinakamatunog nga na-istoryahan amo ang Cale88 Foods Corp., isa ka banana chips company nga na-link kay Carpio, nga suno sa AMLC report nakabaton sang pondo halin sa China.
Ginkwestyon man kahapon ni Senator-Judge Joel Villanueva kun ngaa duha lang ang empleyado sang amo nga kumpaniya apang may P150-million nga sales.
Nauna naman nagsabat si House Deputy Speaker kag La Union Rep. Paolo Ortega V nga namensyonar si Carpio bangud ang iya finances ang naangot sa ila relasyon ni Duterte bilang mag-asawa.
“Well, maikli lang siguro ‘yung sagot. I think it’s not personal, it’s conjugal,” suno kay Ortega sa press conference kahapon, Oktubre 9.#
