Gintawag ni Vice President Sara Duterte nga “nobody” si National Bureau of Investigation (NBI) Director Melvin Matibag kasunod sang pagpanghagkat sa iya ni Matibag nga magpasaka sang kaso kun wala sang kamatuoran ang mga impormasyon may kaangtanan sa gina-alegar discrepancies sa iya 2024 kag 2025 Statements of Assets, Liabilities and Net Worth (SALNs).
Suno kay Duterte, wala sya sang plano nga magbato ukon makipagsabtanay kay Matibag ilabi nga wala man suno sa iya sang interesado sa NBI Director.
Pahayag sang bise presidente, sa Senate impeachment court lang kag Office of the Ombudsman magatubang ang iya kampo kag magasabat sa mga alegasyon nga ginahaboy sa iya subong nga nagapadayun ang imbestigasyon kag ang impeachment trial.
Madumduman nga nag-ugat man ang nasambit nga imbestigasyon sa mga propedad ni Duterte matapos ang nangin alegasyon sa iya pamilya sang dismissed police officer nga si Rodulfo Gracioso Jr., kun sa diin nagpahayag man ini nga nagdul-ong sya sang minaleta nga kwarta.
