Ginakabig ni Defense Secretary Gilberto Teodoro Jr. nga isa ka pamahog nga nagatuyo nga
mag-intimidate sa mga Pilipino ang komento ni Chinese Ambassador Jing Quan.
“Banta ’yun eh. ’Yun ang tunay na laman ng statement na ’yan. Tinatakot tayo,” suno sa defense secretary.
Ginatun-an naman sang mga defense officials ang mga nasambit nga pahayag.
Madumduman nga ginhambal ni Jing nga mahapos lang nga mapirde sang China ang Pilipinas apang mas ginapili nila ang kalinong.
“If we want to use force, we easily win, but no. We will not use this force, and we love peace,” suno kay Jing sa isa ka public event subong nga semana.
“Pinag-aaralan talaga namin ang statement na ito kasi hindi dulas ’yun eh,” sabat naman ni Teodoro.
Dugang pa sang tiglikom, nangin personal ang mga komento sang ambassador batok sa iya sa baylo nga magatutok ini sa polisiya.
Nauna na nga ginkumpirma nga ipatawag ni President Ferdinand Marcos Jr. si Jing.
Kaangot diri, gintawag naman sang Department of Foreign Affairs (DFA) nga “thinly veiled threat of the use of force” ang komento sang ambassador. Nagsabat naman ang Chinese embassy nga “selective quotation and overinterpretation” ang ginhimo sang ahensya.
Nauna naman nga nagpaandam si Jing nga posible maga-atubang sang “greater risk of confrontation” ang Manila kun indi sini pag-ibalik ang direct military communications sa Beijing.
Nagapati naman si Teodoro nga posible nga may plano nga ubrahon ang China sa Pilipinas.
“Palagay ko siniset na nila ’yung senaryo. May balak silang gawin, hindi natin alam kung ano ’yun,” suno sa tiglikom.
