Nagapangabay ang prosekusyon sa International Criminal Court nga batunon bilang ebidensya ang nauna nga testimoniya sang lima ka witness sa kaso nga crimes against humanity batok kay anay President Rodrigo Duterte.
Sa dokumento nga ginsumiter sa ICC Trial Chamber III, ginpahayag ni Acting Prosecutor Mame Mandiaye Niang nga makabulig ang mga testimoniya agud nga mapadasig ang trial.
Mahimo sa gihapon nga pamangkuton sang defense team ang lima ka witness paagi sa cross-examination.
Lakip sa mga testimoniya ang gina-alegar nga pagpatay nga ginpatigayon sang kapulisan, ang Operation Double Barrel, ang listahan sang mga gina-alegar mga kriminal, kag ang papel ni Duterte sa mga patakaran may kaangtanan sa kampanya batok sa illegal nga droga.
Nahibaluan nga nagapangatubang si Duterte sang kaso nga crimes against humanity kaangot sa extrajudicial killings sa iya war on drugs sadtong presidente pa ini sang Pilipinas kag sang alcalde ini sang Davao City.
Nakatalana nga maga-umpisa ang trial sa Nobyembre 30, 2026.
Si Duterte ang sa karon naka-detaine sa ICC Detention Centre sa The Hague, Netherlands.
