Nagapanawagan sanday Mamamayang Liberal Party-list Rep. Leila de Lima kag Akbayan Party-list Rep. Chel Diokno sang transparency kag accountability sa paggamit sang pondo sang pungsod.
Ini kasunod sang desisyon sang Korte Suprema sa nakatalana nga mga limitasyon sa unprogrammed appropriations.
Bilang co-petitioner sa isa sa mga kaso nga gin-upod sang SC, ginpahayag ni De Lima nga apisar nga gusto sini dalayon nga indi na pagdal-on ang unprogrammed appropriations, importante ini nga tikang suno sa iya sa pagtalana sang Korte sang klaro nga limitasyon sang konstitusyunal agud malikawan ang pagpang-abuso sa pondo sang publiko.
Ginpunto man sini nga indi dapat nga magserbe nga proteksyon batok sa accountability ang doctrine of operatives fact para sa mapamatud-an nga mga aktwasyon nga may ara sang indi manami nga tinutuyo.
Suno pa kay Diokno nga dapat klaro nga hibaluon kag pondohan ang mga prayoridad nga proyekto sa baylo nga ibutang ang mga ini sa unprogrammed appropriations, kun sa diin may ara pa sang kahigayunan nga mangin vulnerable ang pag-abuso kag korupsyon.
Nagapanawagan man ini sa Senado kag House of Representatives nga siguraduhon nga nagasunod sa sa desisyon sang SC ang 2027 national budget, halin sa mga nabilin nga deliberasyon tubtob sa bicameral conference committee.
Ginduso sang duwa ka mamalidha ang kinahanglanon sa pagkuha sang pork barrel kag siguraduhon nga magamit ang national budget para sa kinahanglanon sang mga Pilipino.
