Ginpahayag sang Department of Agriculture (DA) nga halos wala sang tsansa nga magtaas ang presyo sang baboy sa Christmas season bangud makaigo pa sa masobra 170 ka adlaw ang suplay sini sa Pilipinas.
Suno kay Agriculture Secretary Francisco Tiu Laurel Jr., in demand man ukon mabakal ang produkto sang baboy sa tion sang Christmas, indi naman ini magsaka bangud sa madamo nga stocks subong nga tuig.
Nahibaluan nga nagnubo man ang average retail prices sang preska nga baboy kag karne nga may balor nga P290.85 per kilo, indi parehos sang una nga bahin sang September 2026 kun sa diin naglab-ot ang presyo sa P295.58 per kilo.
Madumduman nga nagproponer ang DA sang pagpasaka sang 10 percent sa mga taripa sang baboy para sa 2027, halin sa 15% in-quota pasa kag 25%, kag 25% out-quota pakadto sa 35%.
Kasunod ini sang pagtaas sang lokal nga produksyon sang baboy sa 6% sa una nga anom ka bulan sang 2026.
