Ginpasiguro ni President Ferdinand Marcos Jr. nga handa ang mga ahensya sang gobyerno agud nga mapabilin nga safe kag maayo ang pagbyahe sang mga pasahero subong nga nagahilapit ang Pista Minatay.
Lakip sa mga safety measures amo ang ginpatigayon nga lapnagon nga inspeksyon sa mga airport, pantalan kag bus terminal.
Suno kay Marcos, nagpatigayon man sang inspeksyon ang nagakalin-lain nga ahensya agud siguraduhon nga safe ang mga patyo kag pampubliko nga mga lugar.
Dugang pa sang presidente, nakaalerto man ang mga ospital kag health emergency teams agud nga padayon ang koordinasyon sang mga ahensya sang gobyerno.
Nagpahanumdom man ang presidente sa mga pasahero nga planuhan sang maayo ang ila nga byahe kag hibaluon ang mga pahanumdom nahanungod sa mga pagbag-o ilabi na sa ruta nga ila agyan sa pagpauli.
