Nagsaka na ang presyo sang kandila nga ginabaligya sa sidewalk sa atubang sang Iloilo Central Market duha ka adlaw antes ang Pista Minatay.
Sa pagpangusisa sang Bombo News Team, singko tubtub dies pesos ang ginsaka sa kada pack sang kandila.
Sa interview sang Bombo Radyo sa vendor nga si Che-che, iya ginpahayag nga nagabili na subong sang P97 ang isa ka pack sang magagmay nga kandila nga may 20 pieces.
*P100 kada pack ang medyo madugay matunaw nga kandila, 12 pieces
* P80 naman ang daku nga kandila
Pahayag sini, ginalauman nga magasugod subong nga adlaw, Oktubre 30, ang madahog nga baklanay kag magalawig tubtub sa Nobyembre 1.
Ginapaabot man nila nga mas madamo ang makabakal kun makasweldo na ang mga tawo.
Kahapon sang nagplastar sila sa area matapos nga naka-secure sang permit.
Lakip man sa baligya ni Che-che amo ang mga pilit, kalamay, kag mga kakanin nga mabakal man sa Pista Minatay.
