Nagpangabay ang Simbahan nga kabigon bilang balaan nga lugar ang patyo subong nga All Saints’ Day kag All Souls’ Day kadungan sang pagdugok sang mga tawo agud bisitahon ang mga nagtaliwan na nga mga pinalangga sa kabuhi.
Sa sermon ni Msgr. Meliton Oso, director sang Jaro Archdiocesan Social Action Center (JASAC), ginpahangop sini nga ang patyo ginatawag man nga Campo Santo sa Spanish term kag “holy ground” sa English.
Ginpahayag ni Msgr. Oso nga malaw-ay kag masabad para sa iban ang pagdala sang beer ukon ilimnon amo man ang pagbalon sang mga sound system.
Ginpahanumdom sini nga ang pagbisita sa mga minatay nagakinahanglan sang paghalad sang pagpangamuyo para nga ila maangkon ang plenary indulgence, sa kondisyon nga nakakumpisar, nakasimba, nakakalawat, kag nagapangamuyo para sa intensiyon sang Santo Papa.
“Please kabigon naton nga matuod nga balaan nga lugar ang sementeryo,” suno kay Msgr. Oso. “Make our cemeteries as holy as they can be when you go to visit them.”
Dugang sini: “We strongly urge you to gain the plenary indulgence for your beloved soul in purgatory by making a good confession, receiving Holy Communion, and praying for the intention of the Holy Father.”
Subong nga adlaw sang mga Santos, nagbilin man sang pagpanghangkat ang Simbahan paagi sa mga tinaga ni Pope Francis: “to be saints is not a privilege for the few, but a vocation for everyone.”
Buot silingon suno kay Msgr. Oso, “tanan kita ginatawag sang Diyos nga mangin Santos. Ginatawag ka nga mangin Santos. Ginatawag ako nga mangin Santos. Tinguhaan ta nga mapangabuhi ang beatitudes —ang Ebanghelyo nga bag-o lang ninyo nabatian kay ina ang mangin giya naton agud mangin mga Santos.”
