Ginpanindugan ni Education Secretary Sonny Angara nga dapat nakabase sa performance kag kontribusyon sa publiko ang promosyon sang mga opisyal kag empleyado sang Department of Education (DepEd), sa baylo nga political connections.
Suno kay Angara, importante nga kilalahon kag hatagan sang oportunidad ang mga personnel nga nagapakita sang dalayawon nga serbisyo sa publiko.
Pahayag niya, ang outstanding public service ang dapat mangin basehan sa pagkilala kag pagsaka sa ila nga posisyon.
Dugang niya, wala dapat sang lugar ang paggamit sang backer para sa promosyon.
