Ginpasiguro sang Department of Agriculture nga may ara sang nagakaigo nga suplay sang pagkaon sa pungsod apisar sa ginapangatubang nga manubo nga produksyon sang Agrikultura bangud sa Super El Niño.
Suno sa ahensya, possible nga magnubo ang ani, partikular sa mga lugar nga nagalaom sa tubig-ulan para sa irigasyon.
Lakip sa mga pinakaapektado nga pananom amo ang mais kag palay.
May ara man sang nagakaigo nga suplay sang bugas, karne kag iban pa nga nagapanguna nga pagkaon halin sa local production kag importation.
Sa subong may ara sang 80 tubtob 90 kaadlaw pa nga suplay sang baboy ang pungsod, samtang 125 ka adlaw pa nga suplay sang manok.
Ginpunto sang DA nga hugot sini nga ginabantayan ang sitwasyon sang mga mangunguma kag manugpangisda nga possible tuman nga maapektuhan sang tuman ka init nga tyempo.
