Gindayaw ni House prosecution lead kag Rep. Gerville Luistro ang nangin desisyon sang anay law dean nga si Atty. Ralph Sarmiento nga indi magtestigo sa pagpadayun sang impeachment trial ni Vice President Sara Duterte sa Nobyembre 9.
Suno kay Luistro, ginkakibot niya nga wala anay gin-estorya sang defense team si Sarmiento bag-o nagpasa sang mosyon agud nga ipatawag ini bilang testigo.
Ginalauman kuntani nga pagatalakayon ni Sarmiento ang mga topiko sa konstitusyonal kag legal kaangot sang Article II sang impeachment complaint nga may kaangatan sa ginapahayag nga unexplained wealth ni Duterte.
Samtang, ginapahayag ni Luistro nga makapamaayo sa prosecution kun personal nga maga-atubang sa witness stand ang bise presidente bangud nakabase sa mga dokumento ang ila nga ebidensya sa unexplained wealth, sala nga pagdeklarar sang iya nga propidad kag ginadumilian nga interes sa Negosyo.
Base sa forensic accounting report nga ginpresentar sang prosecution, naglab-ot sa masobra P817-M ang ginpahayag nga undeclared wealth nga gina-angot kay Duterte kag sa iya bana nga si Atty. Manases Carpio halin 2022 tubtob 2025.
