Ginpakamalot ni Ombudsman Jesus Crispin Remulla ang mga nagapalapta sang mga peke nga balita kag disinformation nga may tuyo nga gamuhon ang mga institution sang gobyerno kag impluwensyahan ang korte.
Suno pa kay Remulla nga posible nga ginahimo lamang ini agud nga paluyahon ang mga institusyon kag maapektuhan ang dalagan sang hustisya.
Sa matandaan nga una na nga nagpahayag ang Ombudsman nga gusto nila nga magpasaka sang kaso batok sa mga indibidwal nga nagapalapta sang sala nga impormayson ilabi na sa ikaayong lawas, partikular ang mga balita nga sakit sini nga cancer halin sadtong 2023.
Dugang pa ni Remulla nga madamo na ang nagakontra sa nasambit nga ahensya lakip na ang pila ka mga taga-suporta sang anay administrasyon kag mga anay upod sini sa gobyerno.
Sa pihak sini, ginpahayag ni Remulla nga wala nagakabagay nga maghimo ini sang wala sang kasiguraduhan nga istorya nga wala sang nagakaigo nga basehan, ginahulat lamang niya nga ebidensya ang magapamatuod.
Samtang, pahayag pa ni Remulla nga ginatugyan na lamang sini sa Department of Information and Communications Technology (DICT) ang nasambit nga isyu.
