Nagdangat sa 299 ka mga colorum vehicles ang nadakpan sa Western Visayas halin Enero tubtob Oktubre 2026.
Ini kasunod sang mga ginpatigayon nga inspeksyon kag random roadside checks lakip na ang “Oplan Biyaheng Ayos: Undas 2026.”
Lakip sa nadakpan nga mga salakyan amo ang motorsiklo, tricycle, taxi, sedan, van kag iban pa.
Sa interview naman sang Bombo Radyo kay Atty. Joscet Abellar, Transportation Development Officer chief sang Land Transportation Franchising and Regulatory Board (LTFRB) 6, iya ginpahayag nga may mga sitwasyon nga naga-define sang colorum operations.
Dugang pa niya, ginalakipan sang ini nga mga colorum ang mga private vehicles nga nagapamasahero nga wala sang insakto nga prangkisa kag mga salakyan nga nagabiyahe bisan expired na ang ila prangkisa kag wala naka-file sang extension.
Kaangot diri, ang mga penalidad magadepende sa klase sang salakyan, kaangay sang jeep nga wala sang operating authority kun sa diin nagalab-ot sa P50,000 ang multa upod ang impoundment sang unit.
Iya ginapahanumdom nga kinahangalan gid magkuha sang prangkisa antes magbyahe sang public utility bangud gina-require gid ini sang layi agud mapasiguro ang safety kag convenience sang mga pasahero kon regulated ang pampubliko nga transportasyon.
