Nakakuha sang initial 87 million US dollar nga commitment si President Ferdinand Marcos Jr. halin sa isa ka Chinese firm kadungan sang iya pagtambong sa Asia-Pacific Economic Cooperation (Apec) Economic Leaders’ Meeting sa Shenzhen, China.

Ini nga commitment possible nga makahatag sang masobra 7,000 ka trabaho para sa mga Pilipino.

Suno kay Marcos, nakighinun-anon siya sa pila ka mga dalagkuan nga Chinese company agud ma-engganyo ang mga ini nga mag-invest kag pasangkaron ang ila nga operasyon sa Pilipinas.

Lakip sa mga gintalakay ang pagpatindog sang production facility sa Batangas, pagpasangkad sang operasyon sang BYD sa pungsod kag ang mga plano nga investment sang isa ka Smart Energy Group sa offshore wind energy.

Nagtambong man ang Presidente sa 33rd APEC Economic Leaders’ Meeting, kun sa diin iya gintinguhaan nga madala ang seguridad sang supply chains, digital economy kag pagpasangkad sang oportunidad para sa mga mamumugon.

Samtang, ginpirmahan man sang Pilipinas kag Chile ang Comprehensive Economic Partnership Agreement (CEPA) nga labing una nga bilateral free trade agreement sang Pilipinas sa isa ka pungsod sa Latin America.

Suno kay Marcos, tinutuyo sang nasamabit nga kasugtanan ang magbukas sang bag-o nga mercado, maka-engganyo sang mas madamo nga investment kag mapabaskog ang local industry kag makahimo sang mas mas madamo nga de-kalidad nga tarabaho para sa mga Pilipino.