Naglab-ot na sa 10.44 bilyon pesos ang halit kag kapierdihan sa sektor sang Agrikultura dala sang nagapadayon nga El Niño.

Base sa pinakaulihi nga datos sang Department of Agriculture, apektado ang masobra 338, 000 nga mangunguma kag mangngisda sa 16 tanan ka rehiyon.

Ginalauman nga maganubo sang isa ka milyon ka metriko tonelada ang produksyon sang palay kag 500,000 ka metriko ka tonelada naman sang mais kun ikumpara sadtong tuig 2025.

Bilang sabat, nagpain na ang DA sang pauna nga bulig nga nagabalor sang 18.64 bilyon pesos para sa mga apektado nga mangunguma kag manugpangisda, lakip na diri ang para sa binhi, fertilizer kag financial assistance kag crop insurance.

Padayon naman ang ahensya sa pag-monitor sa mga lugar nga posible maapektuhan sang El niño kag paghatag sang mga pahanumdom nahanungod sa husto nga pagtanom kag pagkinot sang tubig.