ILOILO CITY- Indi na naman maagyan ang Paliwan Bridge nga nagakonekta sa banwa sang Laua-an kag Bugasong sa Antique.
Ini matapos nga naglapaw ang tubig sa ginhimo nga temporaryo nga alagyan ukon access road.
Sa interview sang Bombo Radyo kay Mr. Broderick Train, pinuno sang Provincial Disaster Risk Reduction and Management Office sang Antique, iya ginpahayag nga bangud indi maagyan ang access road, ginatos ka mga pumuluyo kag motorista ang stranded.
Nagpangabay naman ini sa publiko nga indi gid magrisgo nga magtabok sa suba agud malikawan ang disgrasya.
Matandaan nga naguba ang taytay sang naglaslas ang bagyo Paeng sang Nobyembre 2022.
