Posible nga magbarato ang airfares sa Hulyo matapos nagbuhin ang Civil Aeronautics Board (CAB) sang fuel surcharge sa airlines.
Ini ang pinakamanubo nga lebel humalin sang nagtimbuok ang oil price bangud sa tension sa Middle East.
Suno sa CAB, ginpanubuan sini ang surcharge sa Level 9 para sa July 1 to 15, halin sa Level 12 sa second half sang Hunyo.
Ini nga latest reduction ang ikaduha nga sunud-sunod nga buhin sa surcharge level matapos nagpanubo man ang CAB halin sa Level 13 panaog sa Level 12 sa second half sang Hunyo.
Sa idalom sang Level 9, ang mga pasahero mahimo magbayad sang dugang nga P287 tubtob sa P839 para sa domestic flights, nga mas manubo sa previous range nga P389 tubtob P1,137 sa idalom sang Level 12.
Para sa international flights, ang allowable surcharge ang ginpanubo sa P947.30 tubtob P7,044.27, halin sa P1,284.40 tubtob sa P9,550.13.
Ang latest adjustment amo ang lowest surcharge level nga gin-aprubahan sang CAB humalin sang naglunsar sang atake ang United States kag Israel batok sa Iran sang Pebrero.
Ang fuel surcharge gina- review sang CAB kada 15 ka adlaw base sa prevailing jet fuel prices.
Ang latest reduction kasunod sang pagnubo sang global jet fuel prices bangud sa pag-improve sang kondisyon sa Middle East.
 sang fuel surcharge sa airlines.){kind=link}