𝗜𝗟𝗢𝗜𝗟𝗢 𝗖𝗜𝗧𝗬 —Nagapanguna ang ‘ankle sprain’ sa mga common injuries nga nagaka-eksperyensyahan sang mga atleta nga Filipino sa patag sang sports.
Sa interview sang Bombo Radyo kay Dr. Rhoel James Timothy Dejano, Sports Medicine Specialist, iya ginpahayag nga indi lamang sa lower extremities sang lawas ma-eksperyensyahan ang injuries bangud posible gid ini sa upper extremities sang lawas kaangay sang ulo.
Suno kay Dejano, lakip sa mga common injuries sa upper part sang lawas amo ang traumatic brain injury nga matuga sang mabaskog nga pagkatumba kag pagkabunggo.
Ginpahayag man sini nga indi man madula ang shoulder sprain nga mabatyagan sang isa ka atleta ilabi na kon sila ang nagahampang sang rocket sports, bangud ini parte sang lawas ang masami nga ginagamit.
Ginhatagan man sang natungdan sang igtalupangod ang pagsakit sang tuhod ilabi na kon ang atleta ang nagapasakop sa sprinting games.
Nagpanugyan man si Dejano sa mga atleta nga maghimo sang mga preventive measures and exercises kaangay sang pag-warm up agud makapreparar ang mga muscle tissues sang lawas sa hampang kag malikawan nga ma-injure.
