ILOILO – Ginserbehan sang Department of Interior and Local Government sang ‘show cause order’ ang tatlo ka mga gobernador kag duha ka mga alkalde matapos ang ginapahayag paglapas nila sa National Quarantine Policy.
Lakip sa mga ginapahayag ginlapas nila amo ang pagpatigayon sang mass gatherings, paglapas sang social distancing measures, pagdumili sa pagpasulod sang mga cargo, pagdumili sa pagsulod sang mga OFW nga na isyuhan na sang health certification sang DOH, pagdumili sa pagpatigayon sang mga operasyon sang food services kag lakip man ang pagdumili sa pagpasulod sang essential personnel kaangay nalang sang mga health workers.
Isa sa tatlo ka gobernador amo si Antique Gov Rhodora Cadiao.
Sa interview sang Bombo Radyo kay Cadiao, iya ginpahayag nga ginakwestiyon sang Department of Interior and Local Government ang ginpatuman niya nga ‘driver only policy’ sa probinsya sa diin driver lang sang truck ang ginatugutan nga makasulod sa border agud magdeliver.
Suno kay Cadiao, ginkuwestiyon man ang pagdumili niya sa pagpasulod sang mga delivery sang construction materials sa probinsya.
Sa subong ginhatagan na sang Department of Interior and Local Government sang 48 ka adlaw si Cadiao kag ang iban pa nga nalakip sa ‘show cause order’ agud athagon ang pagpatuman niya sang mga nasambit nga mandu.
Nanindugan naman si Cadiao nga ini lang ang kabahin sang ila pagpangudal batok sa COVID-19.
Dugang sang natungdan, may yara sang kinaiya nga paagi sa pagpatuman sang pagsulundan ang kada munisipalidad kag probinsya sa pungsod gani nagakadapat nga maintidihan ini sang DILG.
Santo sa pahayaga ni Cadiao, tubtob nga indi ilegal wala sang malain sa ginpatuman niya nga mandu.
