ILOILO CITY— Dakop sa ginpatigayun nga buy bust operation ang isa ka babayi sa distrito sang Lapaz, Syudad sang Iloilo.
Ang subject ang ginkilala nga si Rosie Yee, 35 anyos sang Barangay Progreso Lapuz Iloilo City kag ginapahayag driver sang sikad.
Sa interview sang Bombo Radyo kay Yee, iya ginpahayag nga sadto nagagamit siya kag nagabaligya sang iligal nga droga sang didto siya sa Manila. Suno kay Yee, ang nasambit niya nga buluhaton ang wala na niya ginahimo sa subong.
Ginpanginwala man niya nga siya ang nagapanag-iya sang mga sachet sang shabu nga nakuha sang kapulisan sa ginpatigayun nga buy bust operation.
Nahibaluan nga nakuha kay Yee ang tatlo tanan nga sachet sang ginapatihan shabu kag buy bust money nga P1,100. Preso na sa subong sa Lapaz Police Station ang subject kag magapangatubang sang nagakaigo nga kaso.
