POTOTAN, ILOILO – Istrikto nga pagpatuman sang border restrictions ang isa sa mga pamaagi sang Local Government Unit sang Pototan, Iloilo agud nga mangin Coronavirus Disease 2019 (COVID-19) free tubtub subong.
Sa interview sang Bombo Radyo kay Mayor Adi Lazaro, iya ginpahayag nga wala gid ginapahanugutan nga makasulod sa banwa sang Pototan ang mga pangayaw magluwas lang sa mga may yara sang quarantine pass kasubong sang mga nagatrabaho.
Suno kay Lazaro, hugot man ang ginapatuman nga curfew kag bisan ang delivery sang goods ang kutub lamang sa border sang banwa.
Ginpahayag ni Lazaro nga ang mga Persons Under Monitoring kag Investigation sa nasambit nga banwa ang nakatapos naman sa quarantine.
