ILOILO CITY- Nag-abiso ang Iloilo City Disaster Risk Reduction and Management Office sa mga pumuluyo sang syudad kaangot sa ginalauman nga mabaskog nga pag-ulan nga dala sang Super typhoon Mawar sa tion nga magsulod ini sa Philippine Area of Responsibility sa bwas ukon sa Sabado.
Sa interview sang Bombo Radyo kay Mr. Darwin Papa, head sang Quick Response Division sang Iloilo City Disaster Risk Reduction and Management Office, iya ginpahayag nga
72 ka mga barangays ang highly prone sa baha.
Suno kay Papa, sa sini nga numero, 5 ka barangay ang may pinakamataas nga risgo sang pagbaha bangud yara ini sa kilid sang suba nga ginalakipan sang San Isidro, Tabuc Suba, Dungon A, Dungon B, Calubihan sa Jaro.
Gindugang ni Papa nga 22 man ka coastal barangay ang prone sa storm surge.
Ginalauman man nga pabaskugon pa ni Mawar ang habagat nga magaresulta man sa pagwaswas sang ulan.
