ILOILO CITY – Gin-appoint ni Pope Francis si Cebu Archbishop Jose Palma bilang katapo sang bag-o gid lamang gintukod nga Dicastery for Culture and Education.
Ini ang gin-anunisyo sang Archdiocese of Cebu pinaagi sa pagpanginbulahan sa prelate para sa iya papel sa Roman Curia.
Suno sa archdiocese, ang dicastery ang gintukod pinaagi sa pagtingub sang Congregation for Catholic Education sang Vatican kag anay Pontifical Council for Culture kun sa diin, nangin anay myembro ang arsobispo.
Ang dicastery ang ginapamunuan ni Portuguese Cardinal José Tolentino de Mendonça.
Samtang, gin-confirm naman sang Catholic Bishops’ Conference of the Philippines ang designation ni Palma sa isa ka separado nga pahayag.
Suno sa constitution, ang administrative unit ang ginatunga sa duha ka mga sections kag nagatrabaho para sa human values sa tawo sa sulod sang horizon sang Christian anthropology, naga-contribute sa full realization sang Christian discipleship”.
Naga-coordinate man ini sang mga aktibidad sa pila ka pontifical academies, kaangay sang Pontifical Academy of Archeology kag Pontifical Academy of Theology.”
Si Archbishop Jose Palma ang ika-apat nga Archbishop sang Cebu kag nabun-ag sa banwa sang Dingle kag gin-ordenahan diri sa Archdiocese of Jaro sang Aug. 21, 1976.
Nangin parish priest ini sa Parish of St Anthony of Padua sa Barotac Nuevo.
Sang Nov. 28, 1997, gin-appoint ini ni the late Pope John Paul II nga Titular Bishop of Vazari Diddi and Auxiliary Bishop of Cebu.
Sang Oct. 15, 2010, gin-appoint siya bilang Archbishop of Cebu nga nagtal-os sa long-serving nga si Ricardo J. Cardinal Vidal.
