ILOILO CITY- P2.5M pesos gikan sa Zamboanga City Government ang batunon nga incentive sang 2020 Tokyo Olympics gold medalist nga si Hidilyn Diaz nga tumandok sang Brgy. Mambang sa amo nga syudad.
Sa interview sang Bombo Radyo kay Zamboanga City Councilor Elbert Bong Atilano, iya ginpahayag nga santo sa ila ginpasar nga ordinansa, magluwas kay Diaz, may batunon man nga P1,250,000 nga incentive ang iya boyfriend kag nagaserbe man sini bilang coach nga si Julius Irvin Naranjo.
Si Naranjo nga isa man ka seasoned weightlifter ang madugay na nga nagserbe bilang strength and conditioning coach ni Diaz humalin pa sang naga-training pa lang ini sa Malaysia.
Nahibaluan nga matapos makuha ni Diaz ang gold medal sa Tokyo Olympics, gilayon nga nag-post si Naranjo sa iya Instagram story sang pagpasalamat sa mga supporters sang iya girlfriend.
Nahibaluan nga magluwas sa P2.5M, may yara na nga daan sang nagahulat nga P33M nga incentive para kay Diaz,
Sa idalom sang Republic Act (RA) 10699, ang Philippine Sports Commission (PSC) amo ang magaprovide sang cash incentive nga P10M sa gold medal winners sa Olympics.
Apang magluwas sa PSC,may yara sang private companies kag negosyante ang nagpromisa sang nabilin nga P23M incentive para kay Hidilyn, magluwas pa sa house and lot nga nagahulat sa iya.
