Ginapabugal sang Department of Agrarian Reform ang masobra 60,000 ka mga agrarian reform cases nga madinalag-on nga naresolbar sa idalum sang administrasyon ni President Ferdinand Marcos Jr.
Suno kay Agrarian Reform Secretary Conrado Estrella III, padayon ang pagsolbar sang mga gobyerno sa mga kaso sang agrarian reform sang mga lokal nga mangunguma sa pungsod.
Ang ini nga tikang nagatuyo nga mabuhinan ang kabalaka sang mga mangunguma sa ila talamnan.
Ginpahayag ni Estrella nga sa subong madamo pa sang pending nga kaso, lakip na ang 30-anyos nga mga kaso nga padayon nila nga gina-re-review.
Base sa datos sang ahensya sang 2024, ang narekord nga case load naglab-ot sa kabug-usan nga 65,822 ka mga agrarian reform cases.
Gikan sa nasambit nga numero, tubtob sa 62,754 ka mga kaso ang naresolbar, katumbas sa 95.34% nga resolution rate sang gobyerno.
