ILOILO CITY – Nagpaandam ang Department of Health sa publiko nga indi magpati sa nagalapta nga mensahe nga nagagamit sang pangalan sang ahensya may kaangtanan sa upper respiratory infection sa China.
Ini ang ginpagwa sang ahensya kasunod sang naggwa nga bulletin nga nagagamit sang ila pangalan kun sa diin, ang infection nga naga-apekto sa China sa subong ang delikado, “very potent” kag “resistant sa existing antibiotics.”
Sa ginpagwa nga statement sang ahensya, ginklaro nila nga wala ini naghalin sa ano man nga verified platforms sang Department of Health.
Nagpahanumdom man ini sa publiko nga ang ano man nga balatian kaangay sang respiratory diseases kag iban pa nga communicable diseases ang mahimo malikawan pinaagi sa pagsunod sa healthy habits lakip na ang proper diet kag exercise.
Nagpanugyan man ang ahensya sa publiko nga mangin vigilante kag chekyaron gid ang ginhalinan sang impormasyon.
