Posible nga magdangat na sa P165 ang presyo sang kada litro sang regular diesel samtang P170 naman ang kada litro sang premium diesel sa masunod nga semana.
Ini kun matabo ang panibag-o nga price hike sandig sa trading sang Mean of Platts Singapore (MOPS) sa nagligad nga apat ka adlaw (March 30 to April 2).
Kun basehan ang amo nga trading, may oil industry sources nga nagasiling nga madugangan ang presyo sang diesel sang P17 tubtub sa P19 per liter.
Sa pihak nga bahin, mahimo naman madugangan sang P3-P5 ang presyo sang kada litro sang gasolina. Kun matabo, magadangat na ang presyo sang super premium, premium, kag regular varieties sa P120, P117, kag P110 per liter.
Sa Marso 31-Abril 6, yari ang adjustment sang fuel retailers suno sa Department of Energy:
Diesel – P14 per liter
Gasoline – P2.90 per liter
Kerosene – P2.50 per liter
