Wala pa sang nakit-an nga rason ang Department of Health (DOH) agud dugangan ang mga restrictions sa mga byahero halin sa China kun sa diin nagatimbuok subong ang bag-o nga mga kaso sang Covid-19.
Suno kay Health Officer-in-Charge Maria Rosario Vergeire, kun basehan lamang ang science kag gina-uyatan subong nga evidence, wala sang rason kun ngaa ipatuman ang dugang nga mga lihok.
Suno pa kay Vergeire, indi lamang sa China may transmission sang bag-o nga Omicron subvariants kundi mangin sa iban nga bahin man sang kalibutan.
“Kailangan po natin tignan ang kabuuan ng sitwasyon at hindi lang i-focus ang ating pag-iisip at pagdedesisyon sa China. Alam naman natin na itong interaction between and among the different populations across the globe that’s happening,” pahayag ni Vergeire.
Antes sini nga pahayag ni Vergeire, nagmandu na ang DOH sa tanan nga units sini nga i-maintain ang “heightened surveillance,” ilabi na sa mga byahero halin sa China kun sa diin may yara sang spike sang infections matapos ginpahalugan sang Disyembre ang tinuig nga pagpatuman sang zero-Covid policy.
Base sa existing protocols sa Pilipinas, gina-screen ang temperature sang byahero samtang ginalantaw ang vaccination details sa health declaration via e-arrival cards.
Kun unvaccinated ukon partially-vaccinated ang pasahero, gina-require ang antigen test nga i-take 24 ka oras antes ang departure. ##
