Nagadangat sa 15,000 ka mga healthcare workers ang kinahanglan sang Department of Health sa ila nga emergency hiring nga idugang sa ila pwersa batok sa Coronavirus Disease 2019.
Suno kay Department of Health Under Secretary Maria Rosario Vergeire, nag-request na ang ila ahensya sa Department of Budget and Management sang dugang nga pondo para sa mga kinahanglanon sang healthcare workforce.
Sa subong, ang naproseso palang nga pondo amo ang para sa mga healthcare workers nga nag-volunteer.
Nahibaluan nga nag-realign sang P79 milyon nga pondo ang Department of Health para sa Research Institute for Tropical Medicine agud mahatagan sang sweldo kag benepisyo ang 22 nila ka healthcare workers.
Dugang sang natungdan, nagapabilin nga prayoridad sang Department of Health ang emergency hiring sang mga healthcare workers kag paghatag sa ila sang benepisyo.
