ILOILO CITY – Nakahanda ang Department of Justice nga maghatag sang special arrangements para kay former Bureau of Corrections chief Gerald Bantag kag former deputy officer nga si Ricardo Zulueta.
Suno kay Justice Secretary Jesus Crispin Remulla, si Bantag ang naghatag sang duha ka mga feelers, ang isa ang pinaagi sa isa ka Cabinet official kag ang isa ang pinaagi sa isa ka law enforcement officer.
Apang suno kay Remulla, daw kaangay nga indi seryoso ang mga ini nga mag-surrender.
Ginpahayag man sang opisyal nga ang duha ka mga former officials nga ginatudlo mastermind sa kamatayon ni Percy Lapid kag alleged middleman nga si Jun Villamor ang nagatuyo nga maglikaw nga i-detain sa Bureau of Corrections facility.
Una na nga ginpahayag ni Remulla nga nagala-um ini nga mag-surrender na si Bantag kasunod sang pagtawag sini sa isa ka Cabinet official sang Abril.
Dugang pa niya, ang ikaduha nga feeler ang ginpadala pinaagi sa isa ka law enforcement officer sang nagligad nga semana.
Sang damlag lang, nagpagwa sang warrants of arrest ang Muntinlupa kag Las Piñas regional trial courts batuk kay Bantag kag Zulueta bangud sa kamatayon sang gina-alegar middleman nga si Jun Villamor kag ni Lapid.
Si Lapid ang ginpatay sa Las Piñas City sang October 3, 2022 samtang si Villamor ang napatay sa New Bilibid Prison sang October 18, 2022.
Base sa autopsy nga ginpatigayon ni Dr. Raquel Fortun, si Villamor ang napatay bangud sa asphyxia by plastic bag suffocation.
