ILOILO CITY – Ginmando sang Department of Trade and Industry (DTI) ang price freeze sa mga basic goods sa mga lugar nga gin-agyan sang duha ka mga bagyo nga sanday Quinta kag Rolly.
Suno kay DTI Secretary Ramon Lopez, lakip sa mga lugar nga nagpatuman sang price freeze amo ang Cavite, Batangas, Albay, Oriental Mindoro, kag Marinduque.
Ang nasambit nga mga lugar ang nagdeklarar na sang state of calamity matapos gin-igo sang bagyo.
“Mayroon din po tayong price freeze doon sa mga nag-declare ng state of calamity. As of today, ‘yong Cavite because of Typhoon Rolly and last week lang because of Typhoon Quinta, mayroon ding nag-declare ng state of calamity sa Albay, Batangas, Oriental Mindoro, Marinduque at so ‘yon po may mga price freeze sa mga lugar na ‘yon,” pahayag ni Lopez.
Samtang, sa iban naman nga lugar, ang suggested retail price system ang epektibo sa gihapon kaangay na lang sang prime commodities nga ginalakipan sang canned goods, instant noodles, kape kag gatas.
“Since September 2019, wala pong increase ‘yong mga presyo na ‘yon at ‘di po talaga gumagalaw,” pahayag sang tiglikom.
Ang Cavite ang ginmando ni Governor Jonvic Remulla nga ipaidalom sa state of calamity bangud sa Bagyo Rolly.
Samtang ang Batangas, Albay, Oriental Mindoro, kag Marinduque naman ang ginpaidalom sa state of calamity bangud sa kahalitanan nga ginbilin ni Bagyo Quinta.
Una na nga ginpahayag sang Department of Agriculture nga nagdangat sa P1.1 billion ang halit sang Bagyo Rolly sa sektor sang agrikultura.
