Ginhingyo sang grupo sang scientists kay President Bongbong Marcos nga dugangan nga budget sang state weather bureau ukon sang Philippine Atmospheric, Geophysical and Astronomical Services Administration (PAGASA).
Kasunod ini sang panawagan ni Marcos sa government agencies nga mangin “accurate” kag “advanced” sa pag-report sa lakat sang panahon agud nga malikawan ang casualties kaangay sang natabo sang paglaslas ni Bagyo Paeng kun sa diin lapaw na sa 100 ang reported deaths suno sa National Disaster Risk Reduction and Management Council.
Napaidalom ang PAGASA sa ahensya nga Department of Science and Technology (DOST).
Suno sa grupo nga AGHAM, ginbuninan sang P1.6 billion ang proposed P3.048-billion budget sang ahensya sa 2023 kag sigurado nga may yara ini sang negatibo nga epekto sa weather forecasting capacity sang ahensya.
Ginkwestyon man kun ngaa ginbuhinan ini sang budget apisar nga nakahibalo man ang Marcos administration nga kinahanglan gid man i-improve ang Disaster Risk Reduction Management apisar nga wala pa ang Bagyo Paeng.
Talalupangdon man suno sa grupo nga ang P1.3-budget budget sang PAGASA sa 2022 ang mas mahinay kun ipaanggid sa P1.6 billion nga allocated sa ahensya sang 2021.
“Long before the Paeng typhoon disaster, the government knew that our Disaster Risk Reduction Management (DRRM) needed significant improvement. With the increasing threats of climate change President Marcos Jr said that this is included in his top priorities. Yet he cuts the budget on departments that address this issue,” suno sa AGHAM.
