ILOILO CITY – Duha ka mga Iranian journalists ang gin-aresto sang mga kapulisan matapos ang ginpahayag nga pag-stage sang propaganda batuk sa gobyerno.
Ini ang may kaangtanan sa kamatayon ni Mahsa Amini.
Sanday Niloufar Hamedi kag Elaheh Mohammadi ang napreso na sang tunga sa bulan.
Ang 30 anyos nga si Hamedi ang nagpadulong sa ospital kun sa diin gin-admit anay si Amini.
Samtang ang 35 anyos nga si Mohammadi ang nagpadulong naman sa lugar ni Amini agud nga mag-cover sa iya funeral.
Ginpahayag nga nagdangat sa masobra sa 20 na ka mga journalists ang na-custody bangud sa pag-report sang kamatayon ni Amini nga nagresulta sa lapnagon nga protesta.
