ILOILO CITY- Nagpabutyag sang kahandaan si Presidente Rodrigo Duterte nga buksan ang mga pasilidad sang Pilipinas para sa militar sang Estados Unidos sa tion nga maglab-ot na sa Asya ang Russian-Ukraine crisis.
Suno kay Philippine Ambassador to the US Jose Manuel Romualdez, ginpahayag ni Presidente Duterte nga kun magpangabay sang suporta ang US, handa ang Pilipinas nga magbulig sa kaalyado nga US.
Dugang pa ni Romualdez, ginpabutyag sang presidente ang pagpasugot nga buksan ang former military bases sa Clark, Pampanga, kag sa Subic, Zambales para sa US sa tion sang “emergency situation.”
Angot diri, wala pa man sang pahayag ang Department of Foreign Affairs (DFA).
Nahibaluan nga nga may yara sang Mutual Defense Treaty ang Pilipinas upod sa US nga nagahigot sa duha kag magkaalyado nga pungsod nga magbuligay batok sa aggression kag depensahan ang isa kag isa.
