ILOILO CITY- Indi nangin maayo ang pagsugod sang bag-ong tuig para sa aktres nga si Empress Schuck.
Ini matapos nga gintuad niya nga siya ang nahulugan sang iya ginabusong.
Sa post sang aktres, makit-an ang laragway nga nagapakita sang positive pregnancy kits kag sonogram nga may duha ka embryos.
Suno sa iya, apisar tuman man ini kasakit, ginatugyan nalang niya ini tanan sa Diyos kag kun ano pa ang plano sang Mahal nga Makaako para sa iya pamilya.
Nagpasalamat man ini sa iya bana nga si Vino Guingona nga wala gid nagbiya sa iya kag gintawag pa niya nga “God’s blessing.”
Si Schuck kag si Guingona nga nagaupod humalin pa sang 2014 ang nabugayan sang ila subang nga anak nga si Athalia sang 2015 kag nagpakasal sila sang 2021.
Samtang, pila naman ka mga celebrities nga abyan ni Empress nga sanday Iya Villania, Melissa Ricks kag Ryza Cenon ang nag-comfort sa aktres.
