DAVAO CITY – Liwat naman nga nalawagan si anay Iloilo Mayor Jed Patrick Mabilog sa speech ni Presidente Rodrigo Duterte sa Thanksgiving gathering sang The Fraternal Order of Eagles sa Davao City.
Una na nga nagpaandam ang Presidente sa mga opisyal sang gobyerno ilabi na sa mga pulis, militar kag elected official nga likawan nga maangot sa illegal drugs ukon ano man nga illegal nga buluhaton.
Suno kay Duterte, isa si Mabilog sa mga opisyal sang gobyerno nga indi nagakadapat nga sundon bangud sa mga malain niya nga buluhaton.
Ginpahayag ni Presidente Duterte nga makapila na ka bes nga nakig-angot sI Mabilog kay Sen. Christopher “Bong” Go agud magpamangkot kun bala akig sa iya ang presidente.
Ginatudlo ni Duterte si Mabilog kag ang Odicta Drug Group nga amo ang nagpasulod sang pinakadaku nga source sang illegal drugs sa Western Visayas.
