ILOILO CITY – Gin-indict sang Department of Justice sanday former Bureau of Corrections chief Gerald Bantag kag anay deputy officer sini nga si Ricardo Zulueta may kaangtanan sa gina-alegar pagpangbuno sa duha ka mga gang commanders sa New Bilibid Prison sang Pebrero sang nagligad nga tuig.
Suno sa ahensya, nakita-an sang probable cause agud nga i-indict si Bantag sang two counts of physical and psychological torture kag two counts of serious physical injuries.
Si Zulueta naman ang kasuhan man bilang accessory sa gina-alegar nga mga krimen.
Ang kaso ang nag-ugat sa alegasyon sang duha ka mga biktima nga sanday Ronald Usman kag Jonathan Cañeta nga gin-abuso sang ginapahayag hubog nga si Bantag sa sulod sang national penitentiary sang Pebrero 1, 2022.
Gin-akusaran ni Usman si Bantag nga nagbuno sa iya sa nawala nga paa, samtang si Cañeta ang ginbuno man sang anay opisyal sa iya natu-o nga kamot nga nagresulta sa pagka-paralyze sang iya middle finger sa ginpatigayon nga pagsinapol sa iya opisina.
Ginpahayag sang Department of Justice nga ang pahayag nanday Usman kag Cañeta ang suportado sang duha ka mga inmates nga nakakita sa pagpamuno.
Ang mga kaso ang ipasaka sa Muntinlupa City Regional Trial Court.
Gin-recommend man ang pagpasaka sang kaso nga grave misconduct nga iga-refer sang state prosecutors sa Technical Division sang ahensya para sa nagaka-igo nga tion.
Nahibaluan nga magluwas sini, nagapangatubang man sang murder charges ang duha bangud sa kamatayon sang broadcaster nga si Percy Lapid kag gina-alegar middleman nga si Jun Villamor.
Ang duha ang may standing warrant of arrests na nga ginpagwa sang Muntinlupa Court.
