Ginhingadlan si former Vice President Leni Robredo bilang isa sa mga speaker sang Democracy Forum nga iga-host ni former US President Barack Obama.
Magluwas kanday Robredo kag Obama, ang iban pa nga speakers amo sanday Pulitzer winning investigative reporter Nikole Hannah-Jones sang New York Times Magazine, Dean Jelani Cobb sang Columbia Journalism School, co-founder kag Executive Director Peggy Shepard sang WE ACT for Environmental Justice, Technical Research manager Renee DiResta sang Stanford Internet Observatory, kag iban pa nga global leaders.
Suno naman sa separado nga statement sang Obama Foundation, ini nga forum ang magatutok sa mga pinakaimportante nga pagpanghangkat sa democratic institutions kag kun paano ipakita ang matuod nga demokrasiya subong nga tion nga may pagpamahog nga madula na ini sa mga tawo.
Isa si Robredo sa Center for Public Leadership Hauser Leaders sang Harvard Kennedy School.
