ILOILO – Gina-athag sang Gabriela-Panay nga wala nila gina kontra ang gobyerno, sa baylo kritikal lang sila sa mga programa kag polisa sang administrasyon.
Sa interview sang Bombo Radyo kay Lucy Francisco, Regional Chairman sang Gabriela-Panay, iya ginpahayag nga indi sila dapat pagkabigon nga kontra sang gobyerno bangud ang kawsa nila ang para lang sa kaayuhan sang pumuluyo ilabi na sang mga kababainhan.
Suno kay Francisco, nagakadapat nga prayoridad kun tani ang mga kababainhan kag ang buwas damlag sang kabataan sa baylo sang pagpabaskog sang pwersa sang militar sang pungsod.
Ginpahayag ni Francisco nga bukas sila nga magbulig apang luyag lang nila nga protektahan ang ila nga kinamatarong gikan sa gobyerno.
