ILOILO CITY – Nagapreparar na sang 40, 000 doses sang bavarian nordic vaccine ang gobyerno sang Germany para sa posible nga outbreak sang monkeypox virus.
Suno kay Bombo International Correspondent Aimee Andaya Hilger direkta sa Germany, nagahilapit na ang summer season gani ginalauman nga madamo ang magabyahe kag ginakabalak-an nga magdamo man ang monkeypox virus ilabi pa nga may yara sang transportation promo sa mga train nga gina-offer kun sa diin, sa tuman ka nubo nga amount sang kwarta, malibot na ang bilog nga Germany sa sulod gid lamang sang isa ka bulan.
Apang sa subong suno kay Hilger, ang mga tawo ang kaangay nga daw wala sang labot sa sini nga virus.
Kaangay sang COVID-19 virus, natak-an na ang tawo.
Base sa pinakaulihi nga data, yara na sa 18 ka mga indibidwal ang ginasuspetsahan nga may monkeypox virus kag kadam-an sini ang nagikan sa Berlin.
