ILOILO CITY – Nagdesisyon na ang Germany nga magpadala sang Leopard 2 tanks sa Ukraine.
Gin-aprubahan man sini ang iban pa nga mga pungsod nga magpadala man sang German-made Leopard 2 tanks.
Una na nga nagpanawagan si Poland Prime Minister Mariusz Blaszczak sa iban nag mga pungsod nga mag-upod sa coalition sang mga pungsod nga nagahatag sang Leopard 2 tanks sa Ukraine.
Suno sa prime minister, amo ini ang pareho nga gusto sang mga pungsod bangud nga para ini sa seguridad sang bilog nga Europa.
Ang Germany ang una nga nagpamalibad sa panawagan sang Poland, Estados Unidos kag pila ka mga member countries sang North Atlantic Treaty Organization nga mag-transfer sang tangke sa Ukraine ukon magpahanugot sa iban nga pungsod nga magpadala sang pila sa ila nga Leopards sa Kyiv.
Ang Poland lakip ang pila pa ka mga European countries ang may yara sang kaugalingon nga Leopards nga nagaplano nga mag-export sa liwat.
Base sa pagsulundan, dapat nga ma-aprubahan anay ini sang Berlin apang ang German government ang nagpahayag na una nga indi sila magpugong sa Poland sa pagpadala sang Leopards padulong sa Ukraine.
Suno kay Bombo Neva Inrepido direkta sa Poland, ang pagpadala sang tanke sa Ukraine ang ginpromisa ni Polish President Andrzej Duda kadungan sang iya pagtambong sa World Economic Forum sa Davos, Switzerland.
Ang Leopard 2 ang isa ka vital, modern military vehicle nga makabulig sa pwersa sang Kyiv.
Sa kabilugan, may yara sang ginabanta 2, 000 ka mga Leopard 2 tanks sa bilog nga Europe.
Ang tagsa ka tanke ang may unod nga 120mm Smoothbore gun kag 7.62mm machine gun nga may kadasigon nga 70 km per hour ukon 50 kmp/h kun off-road.
May yara man ini sang all-around protection nagikan sa ano man nga threats lakip na ang improvised explosive devices, mines ukon anti-tank fire.
Makapila naman ka beses nga nagpanawagan si Ukrainian President Volodymyr Zelensky sa mga pungsod nga untaton na ang pagbangigay sa kun bala, dapat nga magpadala sang tanke.
